திமுக எம்.பி. ஆ.ராசாவும், முன்னாள் அமைச்சர் மா.சுப்பிரமணியனும் சைதாப்பேட்டை காவல் நிலையத்தில் இன்று ஆஜராகினர். முதலமைச்சர் விஜய் குறித்து அவதூறாகப் பேசியதாகப் பதிவு செய்யப்பட்ட வழக்கு தொடர்பான விசாரணைக்காக இருவரும் அழைக்கப்பட்டிருந்தனர்.
பின்னணி: சட்டமன்றத்தில் மு.க.ஸ்டாலினைப் பற்றி விஜய் அவதூறாகப் பேசினார் என்று குற்றம்சாட்டி, செப்டம்பர் 12 அன்று மாநிலம் முழுவதும் திமுக ஆர்ப்பாட்டம் நடத்தியது. சைதாப்பேட்டை பனகல் மாளிகை அருகே மா.சுப்பிரமணியன் தலைமையிலான நிகழ்வில் பேசிய ராசா, முதலமைச்சரை அவதூறாகப் பேசினார் என்பது புகார்.
இதன் அடிப்படையில் சைதாப்பேட்டை போலீசார் ஏழு பிரிவுகளில் வழக்கு பதிந்து, இருவருக்கும் சம்மன் அனுப்பினர். இருவரும் வந்ததை அறிந்து திமுக தொண்டர்கள் காவல் நிலையம் முன் கூடியதால் அப்பகுதியில் பதற்றம் காணப்பட்டது.
