உலகளாவிய வசூலில் ரூ.628 கோடியைத் தொட்டிருக்கிறது ரஜினிகாந்தின் ‘ஜெயிலர் 2’. திரையரங்குகளில் வெளியாகி ஒன்பது நாட்கள் முடிந்த நிலையில் இந்தத் தொகை கிடைத்துள்ளதாகத் தகவல்கள் தெரிவிக்கின்றன.
இதில் ரூ.348 கோடி இந்தியாவிலிருந்து மட்டும் வந்துள்ளது. ஒன்பதாவது நாளில் மட்டும் இந்தியாவில் ரூ.14.50 கோடி வசூலானதாகக் கூறப்படுகிறது.
இயக்குநர் நெல்சன் திலீப்குமாரின் இந்தப் படத்தைத் தயாரித்தது சன் பிக்சர்ஸ்; இசை அனிருத். இம்மாதம் 15-ம் தேதி உலகெங்கும் திரைக்கு வந்த இப்படம் ரசிகர்களிடம் நல்ல வரவேற்பைப் பெற்றுள்ளதாகச் சொல்லப்படுகிறது.
மோகன்லால், சிவராஜ்குமார், எஸ்.ஜே.சூர்யா, யோகி பாபு, விஜய் சேதுபதி உள்ளிட்ட பெரிய நட்சத்திரப் பட்டாளமும் இந்தப் படத்தில் நடித்துள்ளது.
