ஸ்பெயினின் மிக உயர்ந்த கௌரவங்களில் ஒன்றான ‘பிரின்சஸ் ஆப் அஸ்டூரியாஸ்’ விளையாட்டு விருது, கால்பந்து வீரர் லியோனல் மெஸ்ஸிக்கு வழங்கப்பட்டுள்ளது. இளவரசி லியோனார் தமது கைகளால் அதை அளித்தார்.
39 வயதான மெஸ்ஸி, கடந்த மாதம்தான் சர்வதேச கால்பந்திலிருந்து ஓய்வு அறிவித்தார். எட்டு முறை பாலன் டி'ஓர் விருதைப் பெற்றுள்ள அவர், 2022-ல் அர்ஜென்டினாவுக்கு உலகக் கோப்பையைப் பெற்றுத் தந்த அணியிலும் இருந்தார்.
1981-ல் தொடங்கப்பட்ட இந்த விருதுகள் பல துறைகளில் சாதித்தவர்களைப் போற்றுகின்றன. வெற்றியாளருக்குச் சான்றிதழ், பதக்கம், ஜோன் மிரோ உருவாக்கிய சிற்பம், 50,000 யூரோ ரொக்கம் கிடைக்கும். டென்னிஸ் ஜாம்பவான்களான ரபேல் நடால், செரீனா வில்லியம்ஸ் ஆகியோரும் இதற்கு முன் இதைப் பெற்றவர்கள்.
