மேற்காசியாவில் ஹவுதி கிளர்ச்சியாளர்களின் தாக்குதலால் பதற்றம் நிலவுவதால், சவுதி அரேபியாவுக்கான விமான சேவைகளை இந்திய நிறுவனங்கள் தற்காலிகமாக நிறுத்தி வைத்துள்ளன.
இண்டிகோ நிறுவனம் ரியாத்துக்கான விமான சேவையை அக்டோபர் 31 வரை ரத்து செய்துள்ளது. ஜெட்டா, தம்மாம், மதீனா ஆகிய நகரங்களுக்கான சேவைகள் அக்டோபர் 27 வரை நிறுத்தப்பட்டுள்ளன.
பிற நிறுவனங்களின் அறிவிப்பு:
– ஆகாசா ஏர்: ரியாத், ஜெட்டாவுக்கான சேவைகள் அக்டோபர் 27 வரை ரத்து.
– ஏர் இந்தியா, ஏர் இந்தியா எக்ஸ்பிரஸ்: சேவைகள் அக்டோபர் 24 வரை நிறுத்தம்.
பாதுகாப்புச் சூழலைப் பொறுத்து இந்தக் காலக்கெடு மேலும் நீட்டிக்கப்படலாம் என எதிர்பார்க்கப்படுகிறது. பாதிக்கப்பட்ட பயணிகளுக்கு, முன்பதிவின்போது அளித்த தொடர்பு எண், மின்னஞ்சல் வழியாக இண்டிகோ தகவல் தெரிவித்து வருகிறது. புறப்படுவதற்கு முன் இண்டிகோ இணையதளத்தில் விமான நிலையைச் சரிபார்த்துக்கொள்ளுமாறு பயணிகள் அறிவுறுத்தப்பட்டுள்ளனர்.
