முன்னாள் அமைச்சர் தங்கம் தென்னரசு, தமிழ்நாட்டின் பொருளாதார வளர்ச்சி தவெக அரசின் கீழ் தொடர்ந்து சரிந்து வருவதாக விமர்சித்துள்ளார். இதுகுறித்து தமது எக்ஸ் பக்கத்தில் அவர் பதிவிட்டுள்ளார்.
அவரது பதிவின்படி, அக்டோபர் மாத ஜிஎஸ்டி வருவாயில் கேரளா 23%, ஆந்திரா 24%, கர்நாடகா 18%, தெலுங்கானா 14% வளர்ச்சி கண்டுள்ளன. அதே நேரம் தமிழ்நாட்டின் வளர்ச்சி 3% மட்டுமே.
இறக்குமதிப் பொருட்களின் மீதான வரியால் மாநிலத்தின் மொத்த வரி வருவாய் ஓரளவு உயர்ந்திருந்தாலும், மாநிலத்தில் நடக்கும் உற்பத்தியிலிருந்து கிடைக்கும் வரி குறைந்துவருவதாக அவர் குறிப்பிட்டுள்ளார். இது பொருளாதாரத் தேக்கத்தின் அறிகுறி என்பது அவரது கருத்து.
இறக்குமதியை மட்டும் நம்பாமல் உள்ளூர் உற்பத்தியைப் பெருக்கி, பிற மாநிலங்களுக்கும் வெளிநாடுகளுக்கும் விற்பனையை அதிகரிக்க வேண்டும் என்றும், அதன்மூலம் இளைஞர்களுக்கான வேலைவாய்ப்பை உயர்த்த அரசு உடனடியாக நடவடிக்கை எடுக்க வேண்டும் என்றும் அவர் வலியுறுத்தியுள்ளார்.
