நானி கதாநாயகனாக நடித்துள்ள ’தசரா’ படத்தின் டிரெய்லர் வெளியானது!
ஸ்ரீகாந்த் ஒடேலா இயக்கத்தில் நானி, கீர்த்தி சுரேஷ், சமுத்திரக்கனி, தீக்ஷித் ஷெட்டி ஆகியோர் பிரதான கதாபாத்திரங்களில் நடித்துள்ள திரைப்படம் ‘தசரா’. சுதாகர் செருகுரி தயாரித்துள்ள இப்படத்திற்கு சந்தோஷ் நாராயணன் இசையமைத்துள்ளார். நவின் நூலி படத்தொகுப்பு பணிகளையும், சத்யன் சூர்யன் ஒளிப்பதிவு பணிகளையும் கவனித்துள்ளனர்.
ஆக்ஷன் படமாக உருவாகியுள்ள ‘தசரா’, தமிழ், தெலுங்கு, மலையாளம், கன்னடம், தெலுங்கு, இந்தி ஆகிய 5 மொழிகளில் தயாராகியுள்ளது. சந்தோஷ் நாராயணன் இசையில் உருவாகியுள்ள இப்படத்தின் பாடல்கள் வெளியாகி நல்ல வரவேற்பைப் பெற்றன.
இந்நிலையில், இப்படத்தின் டிரெய்லர் இணையத்தில் வெளியாகியுள்ளது. வித்தியாசமான தோற்றத்தில் காணப்படும் நானி மற்றும் கீர்த்தி சுரேஷின் கதாபாத்திரங்களும் அவர்களின் மிரளவைக்கும் நடிப்பும் படம் மீதான எதிர்பார்ப்பை அதிகரித்துள்ளது. அதிரவைக்கும் சண்டைக் காட்சிகளுடன் வெளியாகியுள்ள இதன் டிரெய்லர் ரசிகர்களிடையே வரவேற்பைப் பெற்றுவருகிறது. ’தசரா’ திரைப்படம் இம்மாதம் 30ம் தேதி திரையரங்குகளில் வெளியாகிறது.
