தமிழ் சினிமாவில் மிகவும் எதிர்பார்க்கப்படும் படங்களின் வரிசையில் முக்கிய இடத்தில் இருக்கிறது அஜித் நடித்து வரும் வலிமை திரைப்படம். போனி கபூர் தயாரிப்பில் ‘சதுரங்க வேட்டை’ ‘தீரன்’ படங்களின் இயக்குநர் எச்.வினோத் இயக்கத்தில் இத்திரைப்படம் தயாராகி வருகிறது. இதன் படப்பிடிப்பு ஏறக்குறைய நிறைவடைந்து விட்ட நிலையில் சண்டைக்காட்சிகள் மட்டும் எடுக்கப்பட்டாமல் இருந்தது.
இந்நிலையில், சண்டைக்காட்சிகளைப் படம்பிடிக்க அஜித் உள்ளிட்ட ‘வலிமை’ படக்குழுவினர் ரஷ்யா சென்றிருந்தனர். ஆகஸ்ட் 20-ஆம் தேதி முதல் ரஷ்யாவின் மாஸ்கோவில் தொடங்கிய படப்பிடிப்பில் சண்டைக்காட்சி மற்றும் இறுதிக்காட்சிகளை எடுத்துள்ளனர்.குறிப்பாக, அஜித்துக்காக பைக் சாகசக் காட்சிகளை ரஷ்ய நாட்டின் ஸ்டண்ட் மாஸ்டர்களையும், பைக் சாகச வல்லுநர்களையும் வைத்து எடுத்துள்ளனர்.
வலிமை’படத்தில் பணியாற்றிய ரஷ்ய படக்குழுவினர் அஜித்துடன் இருக்கும் புகைப்படங்களும் இறுதிக்கட்டப் படப்பிடிப்பு நிறைவடைந்ததையொட்டி எச்.வினோத், அஜித் ரஷ்ய குழுவினருடன் இருக்கும் புகைப்படங்களும் தற்போது வெளியாகி சமூக வலைதளங்களில் பகிரப்பட்டு வருகின்றன. மேக்கிங் புகைப்படங்களைப் பார்க்கும்போதே எப்போது படம் வரும் என்று ஆவலைத் தூண்டுவது போல் உள்ளது என்று அஜித் ரசிகர்கள் அப்படங்களைப் பகிர்ந்து வருகின்றனர்.
