தமிழகத்தில் 2026-27 நிதியாண்டில் விவசாயிகளுக்குப் புதிதாக 50,000 இலவச வேளாண் மின் இணைப்புகளை வழங்க அரசு அரசாணை பிறப்பித்துள்ளது.
இந்த இணைப்புகளுக்கான ரூ.127.56 கோடி மானியச் செலவை தமிழக அரசு ஏற்கும். உள்கட்டமைப்புப் பணிகளுக்கான ரூ.750 கோடியை மின்வாரியம் ஏற்கும். மொத்த இணைப்புகளில் சாதாரணப் பிரிவில் 20,000, சுயநிதிப் பிரிவில் 3,372, விரைவுத் திட்டத்தில் 25,282 இணைப்புகள் வழங்கப்படும்; எஞ்சிய 1,346 இணைப்புகள் அரசின் பிற திட்டங்களின் கீழ் அளிக்கப்படும்.
இந்த அறிவிப்பை வரவேற்ற பாமக தலைவர் அன்புமணி ராமதாஸ், ஆண்டுக்கு 1 லட்சம் இணைப்புகளாக இதை உயர்த்த வேண்டும் என வலியுறுத்தியுள்ளார். தட்கல் திட்டத்தில் இணைப்புக்காகப் பணம் செலுத்தியவர்கள் உள்ளிட்ட சுமார் 4.6 லட்சம் விவசாயிகள் காத்திருப்பதாகவும், அவர்கள் அனைவருக்கும் விரைவில் இணைப்பு வழங்க வேண்டும் என்றும் அவர் கேட்டுக்கொண்டார். 2025-இல் தட்கல் திட்டத்தில் 47,554 விவசாயிகள் விண்ணப்பித்ததாகவும், ஒருவர் ரூ.2.5 லட்சம் முதல் ரூ.4 லட்சம் வரை செலுத்தியதாகவும் அவர் குறிப்பிட்டார்.
