வடகிழக்கு பருவமழை தொடங்கும் முன்பே முழு கொள்ளளவை எட்டும் நிலையில் சென்னை ஏரிகள்

25 ஆண்டுகளுக்கு பிறகு, இந்த ஆண்டு வடகிழக்கு பருவமழை தொடங்கும் முன்னரே சென்னைக்கு குடிநீர் ஆதாரமாக விளங்கும் ஏரிகள் யாவும் முழு கொள்ளளவை எட்டும் நிலையில் இருக்கின்றன. அவற்றில், புழல் மற்றும் செம்பரம்பாக்கம் ஏரிகளில் பாதுகாப்பு முன்னேற்பாடுகள் குறித்து முதலமைச்சர் மு.க.ஸ்டாலின், நேற்றைய தினம் ஆய்வு மேற்கொண்டார்.

இந்த ஆண்டு தென் மேற்கு பருவ மழை காலத்திலிருந்தே சென்னையில் பரவலாகத் தொடர்ந்து மழை பெய்து வருவதால் குடிநீர் வழங்கும் ஏரிகள் அனைத்தும் தற்போது 85% நிரம்பியுள்ளன. இதனால் அங்கிருக்கும் நீர் இருப்பு, மதகுகள் சீரமைப்பு குறித்து முதலமைச்சர் நேற்று ஆய்வு மேற்கொண்டிருந்தார். ஆய்வின்போது, ஆற்று பகுதியை தூர்வாரும் பணிகள் குறித்தும் கேட்டறிந்த முதல்வர், நீரை சுத்திகரிப்பு செய்யும் நிலையங்களையும் ஆய்வு செய்தார். பிறகு செய்தியாளர்களிடம் பேசுகையில், ‘தற்போதுள்ள நீர் அடுத்த ஆண்டின் செப்டம்பர் மாதம் வரை போதுமானது’ எனத் தெரிவித்தார்.

25 ஆண்டுகளுக்குப் பிறகு இந்த ஆண்டு, பரவலாக நன்கு பெய்த தென் மேற்கு பருவ மழைப் பொழிவு, கிருஷ்ணா நதி நீர் திறப்பு போன்ற காரணங்களால் வடகிழக்கு பருவ மழை தொடங்கும் முன்பே சென்னைக்கு குடிநீர் வழங்கும் ஏரிகள் சுமார் 85 சதவீத கொள்ளளவை எட்டியுள்ளன. இந்நிலையில் புழல் ஏரியில் நீர் இருப்பு, ஏரிகளின் மதகுகள் சீரமைப்பு, ஆகாய தாமரை அகற்றுதல், கரைகளை பலப்படுத்துதல், வரத்து கால்வாய் தூர் வாருதல் போன்றவற்றை முதலமைச்சர் மு.க.ஸ்டாலின் ஆய்வு செய்தார். அதன் பிறகு, 2015இல் ஏற்பட்ட வெள்ளம் போன்ற அசம்பாவிதம் ஏதும் நடந்து விடாமல் இருப்பதற்காக செம்பரம்பாக்கம் ஏரியின் மதகுகள், வால்வுகள், அடையாறு ஆற்று பகுதியை தூர்வாரும் பணிகள் குறித்தும் அன்று அதிகாரிகளிடம் கேட்டறிந்தார், முதலமைச்சர்.

முதலமைச்சர் ஸ்டாலின் நேற்று ஏரிகளில் ஆய்வு மேற்கொண்டபோது…

புழல் ஏரி, 3,300 மில்லியன் கன அடி கொள்ளளவு கொண்டது. இதில் நீர் இருப்பு 2,772 மில்லியன் கன அடியாகத் தற்போது உள்ளது. அதே போல், 3,645 மில்லியன் கன அடி கொண்ட செம்பரம்பாக்கம் ஏரியில் தற்போது 2,789 மில்லியன் கன அடி நீர் உள்ளது. தமிழகத்தில் வடகிழக்கு பருவமழை இன்னும் தொடங்காத நிலையில், நீர் இருப்பு இப்போதே இயல்பைவிட அதிகம் இருப்பதால், பாதுகாப்பு முன்னேற்பாடுகள் பற்றி முதலமைச்சர் நேற்றைய ஆய்வின் போது விரிவாகக் கேட்டறிந்தார்.

புழல் ஏரியின் தற்போதைய நிலவரம்: