அஜித் நடிப்பில் எச்.வினோத் இயக்கத்தில் தயாராகி வரும் ‘வலிமை’ திரைப்படம் அடுத்த ஆண்டு பொங்கலுக்கு வெளியாகும் என அதன் தயாரிப்பாளர் போனி கபூர் தெரிவித்துள்ளார்.
’சதுரங்க வேட்டை’ ‘தீரன் அதிகாரம் ஒன்று’ ‘நேர்கொண்ட பார்வை ஆகிய படங்களை இயக்கிய எச்.வினோத் அஜித்தை வைத்து ‘வலிமை’ படத்தினை இயக்கியுள்ளார். இந்தி திரைப்பட தயாரிப்பாளர் போனி கபூர் இப்படத்தினைத் தயாரிக்கிறார். நீண்ட நாட்களாக அப்படம் பற்றிய எந்த அப்டேட்டும் இல்லாததால் அஜித் ரசிகர்கள் மிகுந்த ஏமாற்றத்துக்கு ஆளாகியிருந்தனர். இந்நிலையில் யுவன் சங்கர் ராஜா இசையில் ‘நாங்க வேற மாதிரி’ என்கிற பாடல் சமீபத்தில் வெளியாகி ஹிட் அடித்தது.
சமீபத்தில் அஜித் உள்ளிட்ட ‘வலிமை’ படக்குழுவினர் ரஷ்யா சென்று சண்டைக்காட்சிகள் படமாக்கப்பட்டதோடு படப்பிடிப்பு நிறைவடைந்தது. இந்நிலையில், படம் தீபாவளிக்கு வெளியாகும் என எதிர்பார்க்கப்பட்டது. தீபாவளிக்கு ரஜினி நடித்துள்ள ‘அண்ணாத்த’ திரைப்படம் வெளியாவது உறுதியானது. பேட்ட – விஸ்வாசம் இரண்டு படங்களைப் போலவே அண்ணாத்த – வலிமை போட்டி இருக்கும் என சொல்லப்பட்டது.
Happy to announce that #Valimai will hit the screens on Pongal 2022.#ValimaiFromPongal#ValimaiPongal #Valimai#Ajithkumar #HVinoth @BayViewProjOffl @ZeeStudios_ @punitgoenka @SureshChandraa #NiravShah @thisisysr @humasqureshi @ActorKartikeya @RajAyyappamv @bani_j @iYogiBabu
— Boney Kapoor (@BoneyKapoor) September 22, 2021
ஆனால், 2022ம் ஆண்டு பொங்கலன்று வலிமை திரைப்படம் வெளியாகும் என போனி கபூர் அறிவித்திருக்கிறார். விஜய் நடிப்பில் நெல்சன் இயக்கும் ‘பீஸ்ட்’ திரைப்படமும் அன்றுதான் வெளியாகும் என எதிர்பார்க்கப்படும் நிலையில் நீண்ட நாட்களுக்கு பிறகு விஜய் – அஜித் படங்கள் மோதிக்கொள்ள வாய்ப்பிருப்பதாகக் கூறப்படுகின்றது.
