பாலிவுட் நடிகை சன்னி லியோனுடன் சதீஷ் இணைந்து நடிக்கும் ‘ஓ மை கோஸ்ட்’ திரைப்படத்தின் படப்பிடிப்புத்தளத்தில் இருவரும் எடுத்துக் கொண்ட புகைப்படங்கள் சமூக வலைதளங்களில் பரவி வருகின்றன.
சிந்தனை செய்’ படத்தை இயக்கிய யுவன் இயக்கத்தில் ‘ஓ மை கோஸ்ட்’ என்கிற திரைப்படம் தயாராகி வருகிறது. முன்னாள் போர்ன் நட்சத்திரமும், தற்போதைய பாலிவுட் நடிகையுமான சன்னி லியோனும் நகைச்சுவை நடிகர் சதீஷும் நடிக்கும் இப்படத்தின் படப்பிடிப்பு தற்போது மும்பையில் நடைபெற்று வருகிறது. படப்பிடிப்புக்கு இடையே இருவரும் எடுத்துக் கொண்ட புகைப்படம் மற்றும் செல்ஃபியை சதீஷ் தனது இன்ஸ்டாவில் வெளியிட்டிருந்தார். சன்னி லியோன் ரசிகர்கள் பலரும் அதற்கு கருத்திட்டும் பகிர்ந்தும் வருகின்றனர்.
