இயக்குநர் ஹரி இயக்கத்தில் அருண் விஜய் நடிக்கும் ‘யானை’ திரைபப்டத்தின் படப்பிடிப்பு தொடங்கியுள்ளதை படக்குழு அறிவித்திருக்கிறது. அதன் ஃபர்ஸ்ட் லுக் வெளியிடப்பட்டிருக்கிறது.
இத்திரைப்படத்தில் அருண் விஜய்க்கு ஜோடியாக பிரியா பவானி சங்கர் நடிக்கிறார். ஜி.வி.பிரகாஷ் இசையில், ராதிகா, யோகி பாபு உள்ளிட்டோர் முக்கியக் கதாப்பாத்திரத்தில் நடிக்கின்றனர். அதிரடிக்குப் பெயர்போனவர் ஹரி. இவர் இயக்கிய பெரும்பாலான படங்கள் வெற்றிப்படங்களே. அருண் விஜய்க்கு ‘பார்டர்’ ‘சினம்’ போன்ற படங்கள் வெளிவர உள்ள நிலையில் இத்திரைப்படம் ஓர் வெற்றிப்படமாக அமையும் என எதிர்பார்க்கப்படுகிறது. படப்பிடிப்பு இறுதிகட்டத்தில் உள்ள நிலையில் இத்திரைப்படம் அடுத்த ஆண்டு தொடக்கத்தில் வெளியாகவிருக்கிறது.
